Description: Freedom of the press is guaranteed only to those who own one
Example domain paragraphs
Freedom of the press is guaranteed only to those who own one
maiñ Burhan hūñ yā maiñ us kī māñ hūñ aur woh beTā merā hai yā maiñ us kī mās hūñ sadiyoñ se udās hūñ sadiyoñ se udās hūñ keh zulm-o-sitam ruktā nahīñ Ghulāmī ka yeh bojh hai keh kuchh bhī ho ghaTtā nahīñ dard kī kāsini pāzeb hai keh bajtī rahe Khūn kā sailāb hai keh āj bhī pur-zor hai, thamtā nahīñ
thamtā nahīñ hai Gham woh Gham jo Ghulām qaumoñ kī mīrās hai jo wadī-e-lolāb meñ bunī ik chādar hai woh Gham jo Burhan ke jawān janāzeh se kayī zyādah girāñ hai girāñ hai woh Khūñ jo uskī ragoñ meñ behtā thā girāñ hai woh ‘ishq jo us ke dil meñ dhaRaktā thā woh laKht-e-jigar hamārā hai un sab māyoñ kī āñkh kā tārā hai jo rāt bhar soyī nahīñ soyī nahīñ haiñ rāt bhar yeh mātamī rāt jo sadiyoñ sehr kī mutalāshī hai magar yeh sehr hai keh dāGh dāGh ujālā hai yeh sehr hai keh shabgazīdah, pā-bajaulāñ hai
War in Context | … with attention to the unseen