Opnað hefur verið fyrir umsóknir um styrki úr Menningarnæturpotti Landsbankans vegna Menningarnætur sem verður haldin 19. ágúst næstkomandi. Veittir eru styrkir á bilinu 100.000-500.000 kr.
Markmiðið með úthlutun úr Menningarnæturpottinum er að styðja skemmtilegar hugmyndir til framkvæmdar á Menningarnótt.
Menningarnæturpotturinn er samstarfsverkefni Reykjavíkurborgar og Landsbankans sem hefur verið máttarstólpi Menningarnætur frá upphafi. Allur fjárstuðningur bankans rennur til listamanna sem koma fram á Menningarnótt.